Hallo zäme, i weiss i abetracht vo de momentane Wäutlag isch es einfach super bünzlig sich über so öppis ufzrege… I bi gad am umeluege für es jüngers Occasions Auto u de fingi eis u dänke mou, Pris isch no guet…Wenn i Glück ha steit im Text «+ Ablieferungspauschale 500.00» när dänki ja Pris nüm so extrem guet…Oder es steit nüt u i schribe es Mail oder lüte u frage öb das de Ändpris isch när chunnt «nei chunnt noch CHF 590.00 Ablieferungspauschale dezue». Was zur Höll söu das, werum rächne si das nit einfach i Pris i? Klar, git besseri Prisbewärtig u so aber wenn sis e drüf schlö chöi si doch o eifach de Pris inkl. usschribe. U woni zersch mau vo däre «Ablieferungspauschale» gläse ha hani dänkt, cool, die bringe eim de Chare hei. Aber nei, si löse z outo i, fülle biz Bezin dri u erkläre dr Zügs wo de nach 10 min eh nüm weisch. Für 590 Stutz. U i gloube ilöse isch für e Outogarage no schnäu gmacht. Das u e haube Tank würd mr eigetlich scho länge. So, ha fertig. I wünsche es schöns Tägli. submitted by /u/NiBu2222
Originally posted by u/NiBu2222 on r/BUENZLI