Sali zämme. Mis Grosmami isch einigermasse demänt und wohnt ellei. Ihre Sohn (mi Unkel) isch uf Wältreis. Er hed sini schwizer Simcharte nid im Handy, sondern e lokali. Jetzt hed sie öppe 15 Ahrüef vo sinere schwizer Nummere gha (wo sie abgnoh hed lut ihrem Telefon). Sie weis aber nümm was gseit worde isch, hed sich aber folgendi Notize gmacht: “Hans Handy kaputt” , denn hed sie e phillipinischi Nummere ufgschriebe mitem “Neue Nummer” (er isch aber nid in de Phillipine), und no e random schwizer Nummere. (+4177…) wo ufem Zettel stoht. Ufem Handy (wo sie fast nie ahluegt) hed sie e Whatsapp Nochricht gha, vo dr phillipinische Nummere vom Zettel: “Hallo Mami, mein Handy ist kaputt, neue Nummer: (und denn e Whatsapplink mit dr Nummere: +4177…) speicher bitte meine neue Nummer ab und schreib mir kurz auf Whatsapp damit ich weiss das alles angekommen ist” I nimm schwer ah das isch e Scam, aber wie funktionert dä? Uf was sind sie us? (Und kei Angst, sie cha us settige Gründ kei Gäld me abhebe) submitted by /u/Radiant-Emergency926
Originally posted by u/Radiant-Emergency926 on r/Switzerland