Toibeli-warnig. Ich fahr jede Tag vo Züri uf Oerlike imne Zug wo an Flughafe gaht. Und jede Tag, aber bsunders während Schuelferie, isch de Zug voll mit „ich-fahr-eimal-im-jahr-mitem-Zug-an-Flughafe-id-Ferie-und-sust-GKlass“-Chöpf wo mit ihrne 2 Kubikmeter Gucci-Rollköffere ihstiged und direkt bide Tür stahbliebed. De Zug hätti gnueg platz für alli, aber jedi Türe isch verstopft. Drum da en churze guide für alli Bünzlis wo nöd so g‘üebt sind im Zugfahre:
- Stig ih, und mach de verfiggti Ihgang frei. Au wenn das heisst dassd im Gang zwüsche de Abteil stahsch
- Du chasch bide SBB getrost dis Gepäck au 5m wiiter weg vo dir neumed inere Gepäckablag verstaue. Muesches nöd hüete wie dis Portemonnaie, kei Sau isch interessiert a dine Malle-Chleider.
- Lah dini Mitreisende ih- und usstige. Mach Platz und gib die verfiggti Türe frei!!
- Kei Angst, du verpassisch dini Haltestell nöd wennd nöd maximal 30cm vode Türe entfernt bisch. Usserd es sind alli so Hirnlos wie du und d Türe isch verstopft. Habe fertig. submitted by /u/Lion_Z
Originally posted by u/Lion_Z on r/BUENZLI
You must log in or # to comment.