Ich bi hüt Namitag z Walliselle uf d’Autobahn Richtig Bern ufgfahre. Wie üblich amene Samschtig Namittag häts Stau gha mit Temporeduktion, und zwar uf 80. Dänn isch vo de KVB bis Seebach 100 signalisiert gsi. Z Seebach, evt. wäg de Baustell, isch wider 80 gsi. Nachher isch ufghobe gsi, bim Chatzesee 100, dänn dur de Gubrist 80. Im Limmattaler Chrüz häts wider 100 gä, bi Dietike isch es nöd ufghobe worde, sondern au 100. Aber witer vorne häts plötzlich eimal ufghobe azeigt, wenig später aber wider 80. Das hin und här isch mir sch mehrmals ufgfalle. Und ich finde das extrem müehsam, wänn de Verchehr mit so fragmentierte Aazeige no zuesätzlich erschwert wird. So hät me no meh als susch die einte uf de mittlere Spur wo mit 80 schliched, obwohl sie 100 oder gar 120 chönnted und vor ihne au frei wär. Wärs nöd sinnvoller, bi so vil Vercher vo Walliselle bis Birrfeld durchgehend 100 oder 80 z signalisiere? submitted by /u/Z4-Driver
Originally posted by u/Z4-Driver on r/BUENZLI