D Armee will e neui Pistole beschaffe. Und offebar händs das Modell usgwählt, wo i de diverse Tests am schlächtischte abgschnitte hät und gemäss Fachlüt als UT igstuft worde isch. Ich sälber bin Spitalsoldat gsi und ha e Pistole gha. Mir händ die Pistole i de RS und spöter i de WK sehr sälte benutzt. Und genau det gsehn ich ganz grossi Risike, wänn e so e unzueverlässigi Waffe gfasst wird. Genau det, wo so e Waffe nur sälte benutzt wird und sich d AdA chum demit befassed, isch doch extrem wichtig, dass die Waffe zueverlässig funktioniert und sicher isch. En Füsel, wo d Flinte sis wichtigste Arbeitsinstrument isch, wo sini Flinte täglich benutzt und si jede Tag zerleit, reiniget, pflägt etc. chönnti mit dem, was über die Pistole so beschribe worde isch, sicher besser umgah. Chönnti e mangelndi Präzision besser abfange. Aber öpper wo sini Knarre maximal eimal im WK für es paar Gägel im Schüsstand fürenimmt? De isch doch mit er ungnaue Knarre überforderet. Ich ha sch mit de Pistole, wo jetzt verwändet wird, chum uf d Schibe troffe. Und wänn die Knarre au no es Risiko hät, dass Schüss chönd versehentlich abgah, dänn find ich das scho grobfahrlässig bis verantwortigslos, e sone Knarre uf Glägeheitsshütze wie Spitalsoldate loszla. Was meined Ihr dezue? submitted by /u/Z4-Driver
Originally posted by u/Z4-Driver on r/BUENZLI