Salu mitenand Überd Johre isch üs ufgfalle, dass das Sub do vo dr Seel vo de Mitglieder regelrecht ufblüeht isch. Aber leider und das chumt halt eso, will mir kei standartisierti Sproch händ und au nöd bruchet, gits immer wieder manigfaltigi Kritik, dass mä das Wörtli so schriebt unds andere wieder anderscht. (Und wenn dr Ueli üs i Ufsatzlängi Meldige id Moderationswarteschlange schriebt, will er meint Kommas sind falsch, chan er sich die Kommas gern zuscht wo ane stecke.) Denn chumt no die u huere Chünschtlichi Intälligänz däzue, wo üsi fabelhafti Mundart verhunzt, verschlimmbeseret und leider Gottesname muen mä das säge, für alli ennet em Rieh Diepoldsau usgnoh zuegänglicher macht. Das isch en Affront! Dämit isch jetzt Schluss. I Zuekunft lömer nur no Iigsprocheni Mämelis i dr 4 Landessproche zue (Zürcher Expätisch ghört nöd däzue). Aber vor allem wömer eures Mundart ghöre. Will üsen Dialekt isch e Herzenssach und nur uf das chumt es a. I dere Übergangsphase nächscht Wuche fahremer langsam üses Regelwerk hoch und banned gsprocheni Eszetts und anderi Schnuderhündüsdrück vorzue. Ade Merci. submitted by /u/BezugssystemCH1903
Originally posted by u/BezugssystemCH1903 on r/BUENZLI