Ich bruuch Hilf vo dr Schwarmintelligänz: Bi mir im Huus wohnt e Dealer wo sozusage Homeoffice macht. Sprich: Es isch mängisch es uhuere Glöif im Stäägehuus, ei zwielichtigi Gstalt (und zum Teil wirklich seeeehr zwielichtig) noch dr andere goht bi ihm i und us. Friehner ischer als no abe and Huustür, mittlerwile kömme alli zu ihm in d Wohnig. Es isch e sehr grosses Huus mit öpe 60 Parteie, sicher d Helfti drvo mit Kinder. Dass dr ander Gras vertickt (öpis anders isches glaub nid), isch mir grundsätzlich so lang wie breit, ha sälber lang gnueg kifft und irgendwo mien die Lüt das Züüg jo härbicho so langs noni im Coop kriegsch. Aber die Type wo do duure laufe zum Teil… Muess irgendwie nid si. Was sölli mache? Witer ignoriere? Ihm vorschloh, er söll e Lieferservice ufzieh? Oder doch dr Oberbünzli usehänge und d Verwaltig und/oder d Schmier informiere? submitted by /u/Curious-Act-9130
Originally posted by u/Curious-Act-9130 on r/BUENZLI