Gester esch öppis komischs passiert. Ich wohn ide Stadt imne alte Block, wo d Haupttüre dur en Knopf ufem Klingelschild vorusse jederzit chasch öffne. Churz vor de 10ni am Obe lütets drü mol bi mer. Dure Türspion hani gseh, dass ei Person (ca. 28i, östlichi Abstammig) vor minere Türe stoht bzw. chli nervös/ungeduldig vore dra umelouft. Woni d Türe ufgmacht ha esch mer en Schwall vo Schweiss und Zigi id Wohnig gflatteret. Plötzlich taucht uf uf de Stäge undedra en andere uf, wo aber dört blibt stoh, mich aluegt und zuelost. Ich ha erkennt, dass beidi Arbeiterhose agha hend, aber keis firmierts/gschäftlichs Oberteil. De ander ah de Türe, de stinkig, verzellt mer irgendwas vo wege Wasserproblem im Chäller, und öb ich chürzlich duscht ha oder e verstopfte Abfluss ha. Beides hani verneint und gseit ich ha kei Wasserproblem. Er esch ned würkli ufdringlich oder unfründlich gsi. Het nach mire Antwort eigentli nur gseit okey und esch wieder gange. Das ganze esch mer extrem komisch vorcho. Grad well mer au am nöchste Tag ke Wasserproblem gha hend. Jetzt mini wichtigi Frog: Hätti ihm selle e duschi abiete, oder was esch ihri Mission gsi? submitted by /u/Bobistar
Originally posted by u/Bobistar on r/BUENZLI