Hoi zeme Min Maa (Schwiizer) und ich (Ungarin) chemmet imene Monet üses erschte Chind über; e Tochter. Da sie en schwiizerische Nachname ha wird, hend mir üs überleit zum ihre en ungarische Vorname geh, demit beidi Kulture in ihrere Identität vertrete sind. Das ah sich wär no überhaupt keis Problem. ABER de Name wo mir üs überleit hend isch Panna (bzw. Panni als Spitzname) . In Ungarn isch das extrem 0815, aber mir wohnet inere Gegend wos ned viel Usländer het und i mach mir ganz ehrlich chli Sorge, dass dLüt ihren Name komisch oder „goofy“ finde werdet. Mim Maa gfallt er halt mega und meint sie sett doch stolz uf ihri Kultur sii, aber als epper miteme usländische Name weiss ich leider wie unagnehm es sii chan wenn Lüt dir seget, wie komisch dass din Name isch undso. Drum wett ich eu mol froge, wie schlimm dass ihr de Name finde wöret bzw. wie sozial akzeptabel er wär. Ihr chennd gern ganz ehrlich sii. submitted by /u/zsofii
Originally posted by u/zsofii on r/BUENZLI