Unter Umstände isch das hie nid grad die richtig Adrässe, aber ig muess mire Wuet bitz Platz verleihe. Heiter d Ussage vom Rüschtigschef Urs Loher scho gseh? E Zämefassig gits hie: https://www.watson.ch/schweiz/armee/955281524-das-sagt-ruestungschef-loher-ueber-sig-sauer-f-35-und-patriot-system Ig bi eigentlich e grosse Befürworter vor Armee, aber mit söttigne Lüüt chas eifach nid guet cho. Elleige d Ussag, dass me die mit abstand schlächtischti Pischtole für d Truppe wählt, wöu dr Begriff “truppetauglich” subjektiv sygi, und es vor allem um “ergonomischi Gsichtspünkt” giengti, loht mis Bluet loh choche. Wie ungloublich arrogant chame sy, d Erfahrige vor kämpfende Truppe, wo die Pischtole de när tagtäglich würd bruuche, eifach mau so vom Tisch z wüsche? Vomene Oberscht im Generalstab hätti anders erwartet, aber Inkompetänz wird im VBS haut würklich immer beförderet. Was meinet dir zum Ganze? Het no paar anderi Läckerbisse i däm Artikel, wo me ou chönnt drüber diskutiere. Dä Lade (VBS) isch eifach scho syt längerer Zyt nümme zum Ushalte. submitted by /u/HellBound_1985
Originally posted by u/HellBound_1985 on r/BUENZLI