Ich bi jetzt nach zwei Jahr schaffe inem Tech Firma z’London zrugg i d’Schwiiz cho und muess ehrlich mal öppis loswerde. Chan es sii, dass d’Schwiiz sozial irgendwie mega chälter worde isch? Und bevor öppis falsch verstande wird: Ich meine würklich alli, egal ob Schwiizer, Secondos oder Expats. Mir chunnt vor, das hät allgemein abgnoh. Natürlich hät London ganz anderi Problem, kei Frag. Aber was mir jetzt ide erschte Woche wieder ide Zürich im ÖV ufgfalle isch, het mi scho biz schockiert. Lüt telefoniered mit Luutsprecher, lueged Videos ohni Kopfhörer, bim istiege wird eif druckt ohni d’Lüt use z’lah. Rechts stah uf de Rollträppe? Scheinbar au nüm so es Ding. Und das Ahrämple überall… kei Blick, kei Reaktion, kei „sorry“, eif wiiter. Und was mir au extrem ufgfalle isch: Ich bi ide meiste Lädeli, Cafés, Restaurants oder allgemein bi Dienstleistige z’London irgendwie freundlicher behandelt worde als jetzt da. Und nei, ich rede nöd vo fake amerikanischem „Have a nice day“, sondern eif vo normale Höflichkeit. Chli Grüesse, chli Geduld, chli es Gfühl dass mer ned nume stört. Und nei, ich verkläre London nöd romantisch. D’Stadt cha brutal sii und het gnueg Problem. Aber im Alltag han ich dört irgendwie meh Rücksicht gspürt. Meh „sorry“, meh Platz mache, meh es Gfühl vo „mir sind alli im gliiche Boot“. Da ide Schwiiz chunnt mer’s zum Teil vor wie jede nur no i sim eigete Film isch. Bin ich eif nüm dra gwöhnt oder nehmed ander das au so wahr? submitted by /u/Defiant_Cicada4588
Originally posted by u/Defiant_Cicada4588 on r/BUENZLI