Halbierigsinitiative hin oder her, aber chömmer bitte mol drüber rede, dass de einzig Ort wo mer SRF inere anständige, ziitgemässe Qualität überchunt (1080p und ned 720p) Swisscom esch? Anschienend hends vor paar Johr ufghört, Zattoo und Teleboy s Full HD Signal zur Verfüegig zstelle well die HbbTV ned unterstützed, so erwiteriti Funktione. Aber Swisscom het da au nur, went über d Box luegsch. Sämtlichi Free TV Sender wie Pro7 chunsch in Full HD über, aber SRF sendet sogar ide eigete App PlaySRF nur 720p. Wenns scho so vell Stütz überchömed würdi eig erwarte, dass sie wenigstens de dur da finanzierti Content in ziitgemässer Qualität zur Verfüegig stelled. Aber dasi extra bide Swisscom muss es gratis Blue TV Air Abo mache (wo HbbTV btw au ned unterstützt), demiti bim Olympia Luege ned Augechrebs bechume, gahnt ned ganz i min Chopf ieh. Vor Allem wenn die ominös Rechnig wieder is Huus flatteret. Dasch doch ned Chundeorientiert? Ich finde d SRG grundsätzlich en gueti Sach, aber sowas verstohni echt ned. submitted by /u/7horizon
Originally posted by u/7horizon on r/BUENZLI