Es isch 2050. D Schwizzer Bevölkerig zehlt 9’999’750. D Politik isch für die letschde 24 Johr mit Schadensbegränzig beschäftigt gsi und hät d Unterstützig vom EU-Rat müesse derzueh zieh um all die Problematike zitnah probiere zstäme. De Fachchräftemangel wird so guet wies gaht vo usländische Wucheufenthalter us dr EU bewältigt, wo in de Aglo vo de grosse Städt in sowjetisch erinnerendi Plattebaute mit de “Mittelschicht” vo de Schwizzer Bevölkerig läbe. D Nahrigsmittel und Dienstleistigsprise sind nid wie erhofft stagniert, sonder wieter gstiege. Esse wird in Tagesportione an d Arbeiterschaft verteilt. Lohn,Stüre,Versicherige und Chrankekasse sind abgschafft worde. Statt desse hät jede “Mittelschichtler” 1 Arztbsuech pro Quartal zguet und krieg all Johr de Grundbedarf an Grät für de Huushalt. D SBB isch verstaatlichd worde und Gratis, solang sie für de Arbeitswäg gnutzt wird. Es Bilett chostet asüst immer glich viel; 50.- Falls mau e Elitler oder es Nepobaby nid mag Autofahre. Staatsbürgerschafte chöne nurno vo Uswanderer uf Tutti ersteigeret wärde. Eh Chinderwunsch muess bim Staat mit em ne Beatragigsformular gmulde wärde. Dä prüeft de uf Herz und Niere. Abstammigslinie vo de Eltere. Bekannti Erbchrankheite. Kreditwürdigkeit. Zwangsabtriebige u Sterilisatione ghöre zur Tagesordnig. Froue nähme d Pille danach wie Smartis. Alli Kantön, bis uf Bern, Genf, Tessin, Basel, Aargau und Züri sind zu Naturschutzgebiet erklärt worde. Dörfer sind ufglöst worde, da sich die Mietene eh kenne meh cha leiste. Vereinzelt häts no es Huus vom ne Elitler am ne Hang. D Population sammlet sich in de Städt. Auto fahre isch für de normal Bürger nümme zahlbar. Kultur isch nurno s Gold vo de Elitler und d Uhre a ihrne Handglenk. Wär z Alt zum schaffe isch und zweni Gäld hät zum sich en Elitler nänne chunt ins Altersreservat im Thurgau. Jungi wärde anhand vom Fachchräftebedarf nach de Schuel iteilt. Was mau Wärt und Kulturerhaltig versproche het, findet sich i re dystopische, sozialistische, vo riche beherschte Schwizz ohni Zuekunftsperspektive wieder, wo Geld Kultur ersetzt und faschistischi Gsetz d Wärt vorschriebe. Bitte nid als Panikmache verstah. Lieber e Film druss mache. submitted by /u/Bruder_Holz
Originally posted by u/Bruder_Holz on r/BUENZLI