D Schwiiz het scho einisch sehr wenig Iwanderig gha, zwar als mir no es Buureland si gsi. Aber denn ischs es ke heili Welt gsi. Zwar si d Lüüt usgwandert, wöll si so arm si gsi u si keni Perspektive gha hei. Isch das würklech wo mir zrügg wei? Sit viele Generatione isch d Schwiiz es Iwanderigsland. Es isch es Land wo Lüt mit Ideene und Unternehmertum häre chöme, wöll mä da öppis cha erreiche. Vieli erfolgriichi Branche und Firme si vo Lüt ufbaue worde, wo e Migrationshintergrund hei (Uhren & Pharma). Das isch e Grund warum mir eis vo de riichste Länder vo der Wält si und die meiste vo üs so e guete Lohn hei, wo der Rest vor Wält nume cha tröime. Damit chöi mir üsi Strasse, üsi Schule, Polizei und der Service Public i de Randregione zahle. Wei mir das würklech riskiere? Bim ne Ja, sende mir zersch es Signal. D Schwiiz wot sech isoliere und wird unzueverlässiger für d Wirtschaft. De chöme weniger Investitione, weniger Firme, weniger talentierti Arbeitnehmer und denn weniger Stürihnahme. Denn müesse mir spare. Und da wir der Tüfelskreis starte. De muess bir Infrastruktur gspart werde, bim ÖV, Strasse, bi de Schule und bir Sicherheit und denn o bi de Randregione. Chöit ja mal nach Dütschland oder Italie luege. Der funktioniere no die grosse Städt, aber füre Rest hets keni Mittel. I cha nid ganz verstah, was d SVP möcht bewahre? Si möcht mire Meinig nach, es Experiment wage, ire unsichere Ziit. Bime nä Nei bewahre mir d Schwiiz wie si scho üsi Grosseltere gha hei. Mir würde gschider versuche, die einzelne Problem ds löse. Z.B. im Asylbereich u Arbeitsbewilligunge nur no gä, wenn würklech Lüt i dem Bereich brucht werde. submitted by /u/Budget_Outcome5785
Originally posted by u/Budget_Outcome5785 on r/BUENZLI