So, mini liebe Mitbünzlerinne und Mitbünzler, Mitbünzlis. Es tuet mer leid, aber es lit mir dasmal scho am Herzä, halte mich susch politisch da zrugg und bi au ke Fan vo z’vil “Politik und Parteie-Bashing” oder de guet alt “links gege rächts” Kampf. Vorab: ich bin KEIN Boomer, keis Parteie-Mitglied, ich bin en klassische Millenial (irgendwo zw. 1982 und 1992), politisch im Mitte-Links Lager, ha aber au scho punktuell mal Mitte-Rächts abgschtimmt. Ich fass mich churz ohni mini Meinig welle ufz’zwinge. Die “10 Millionen Schweiz” Abschtimmig het uf mittel- und langfrschtig erheblichi Konsequenze für öisi Schwiiz und all Bewohner und wird vor allem für d’Zuekunft und s’Alter von Gen-Z, Gen Alpha und danach grosse Ifluss ha. “mini” Generation isch ja scho uf Halbziit, d.h. betrifft ois au aber chli weniger heftig als “die danach”. Min Appell VOR ALLEM ebe a die “jüngere Stimmberecthigte”: Ich weiss, ich han damals au wenig abgstumme und s’versifft, verhängt oder ke Bock gha oder überhaupt ke Ahnig gha, worums jewils gange isch. Drum, ke “Jugend isch fuul” Kommentar, bi au so gsi. Aber, wenn DU zu dene ghörsch, wo die Initiative durchschaued und gsehnd, was das für ächti Konsequenze für dini Zukeunft und s’Alter het, und unbedingt wönd go abstimme: los, überzüged und nämet kollege, fründe, familie mit, mobilisiere. De Klischee-Satz “Jedi Stimm zellt” cha bi sore extreme Initiative (wo wohl sehr knapp 50:50 chönt werde) ebe scho de Wahrheit entspräche. Und ja, D’Schwiiz hend jetzt ebe schon vil meh “Alti” wo halt ebe so abstimmed, damits “ihne” (oft vermeintlich) besser gaht und sich nöd gross um d’Zuekunft vom Nachwuchs kümmeret (im Sinn vo “jetzt bin ich dra!”). Darum: AN DIE FUCKING URNE. Und vergässet nie, demokratischi Volksabstimmige sind uf dere Wält es verdammts Privileg. Danke für d’Ufmerksamkeit PS: JA ich weiss, es sötti scho lange es subers sichers online-voting geh, easy per handy, aber eben… Schweiz und IT… submitted by /u/YouHave24Hours
Originally posted by u/YouHave24Hours on r/BUENZLI