Minere Meinig nach geit d SVP mit dere Initiative viel zwenig wiit. Sie versuechet zwar, d Problem vom Dichtestress, Kriminalität etc. zlöse, aber hallo? 10 millione Mönsche si fasch ei Million meh, als hüt ir Schwiiz läbe. Das heisst, bis denn würdi alles no schlimmer wärde! Drum hie mi Gägevorschlag: D 1 Millione Initiative. So würd i ig das realisiere: Itze gar niemer nöis me inelah. Warum warte, we mir das scho itz chöi mache? Was du heute kannst besorgen, das verschiebe nicht auf morgen. Die 2.5 Millione Usländer direkt use. Die wei sowieso alli nid schaffe und bruuche üsi Infrastruktur. U när si sie sowieso no alli kriminell. So, scho bi 6.6 Millione. Romands und Tessiner rede nid emal Schwiizerdüütsch. Die bruuche mer o nid. Scho bi 4.62 Millione. Und jetzt cha jede jede verstah! Itze bini nid emau me fremd im eigenen Land! Und Rentner. Wer bruucht scho Rentner? Die schaffe ja nidmal! Die nützed üs aui uus! U när bruuche sie ja d Strasse und dr ÖV ebefalls! Das geit gar nid. Sofort use! Scho bi 3.7 Millione! Das wird ja langsam richtig gmüetlech hie! U när Kriminalität. Die müesse mir o bekämpfe! 80% vo de Straftäter sind männlich. Folglich 80% vo allne Männer use! Si mer bi 2.2 Millione. U när hei nume 45% e Abschluss uf Tertiärstuufe. Das geit gar nid. Mir buuche Ärzt! ÄÄRZT! Nid so minderwerigi Jobs wie Pfleg oder Reinigung! Use mit dene! So. Ei Million. Au üsi Problem glöst! Steuet öich mau vor, wie läär jitz die Strasse si! Und jede cha grad 6 Wohnige haa! Und nie wieder müesse staa im ÖV! Kriminalität wär quasi nonexistent und jede redet Schwiizerdüütsch! Wieso isch no niemer vor SVP uf die Utopie cho? /s submitted by /u/MayTheStonksBeWithUs
Originally posted by u/MayTheStonksBeWithUs on r/BUENZLI