I bi scho sehr froh, isch die 10-Millione-Initiative nid agno worde. Trotzdem sötte üs 45% Ja-Stimme ds denke gä, insbesondere dass vieli jungi Mensche derfür gstimmt hei. Jetzt isch sicher d Politik gfordert, damit mir nid i 10 Jahr no ne extremeri Initiative hei, wo mehrheitsfähig isch. Es isch hüt scho schweirig, nach der Usblidig e Stell ds finde. Mit KI wird das sicher nid eifacher i Zukunft. Drum bruchts wenn nötig Massnahme füre Arbeitsmarkt. Falls nötig, sött d Schwiiz die neu verhandleti Schutzklausel awende. Wenn zum Bispiel i gwüsse Branche d Arbeitslosigkeit ds starch stigt, denn d Iwanderig i dem Bereich ischrenke. Es geit nid drum, d Personefreizügigkeit grundsätzlech ifrag ds stelle, sondern Sorge und Problem erst ds näh, bevor säch d Lüt witer radikalisiere. submitted by /u/Budget_Outcome5785
Originally posted by u/Budget_Outcome5785 on r/BUENZLI