Ech setze em pompevolle Zog hei ond schräg vis à vis hockt en ältere Maa. Emene chorze Chleid (wördi eigentlech no fiire). Jetzt hed dä aber kein Onderhose a ond mer gseht voll ie ond demet au… sis Schnäbi. HILFE! Ech muess das met öpperem teile :( schecked Gedanke ond Gebätt. Döff dä das?! Ech wett sis Schnäbi ned müesse aluege. Edit: Kei Scherz, är esch jetzt tatsächlech en Olte uusgstege. (Ech be sösch eigentlech ned so en Olte-Mobberin, aber mängisch möched ehrs eus eifach au ned liecht) Edit 2: Ech han jetzt metnere sehr nätte Bahnhofspolizischtin telifoniert ond sie hed alli Agobe ufgnoh (Ussehe, Chleidig etc.) ond mech au sehr ärnscht gnoh. Sexuelle Beläschtigung eschs jetzt ned per se gsi, för dass hätter sech uuffälliger müesse verhalte (sech sälber alänge, omeluege, omeglöschtle, Ufmerksamkeit uf sech zieh etc.). Sie hed sech au bedankt ond gseit das so Mäldige sehr wechtig send. Aso liebi Metbönzlis, mälded so Sauhönd ongeniert bede (Bahnhofs-)Polizei. Sie send froh om so Mäldige. Ech wönsch euch en genitalfreiie Obe (osserd met Konsens natüerlech) ond vergässed euchi Onderhose ned. Danke euch för d‘Onderstötzig! submitted by /u/Unique-Drawer-3810
Originally posted by u/Unique-Drawer-3810 on r/BUENZLI