Es isch wider Summer und jedes Jahr wider de verfiggti Scheiss mit de absurdischte “Experte” wo eim wennd erchläre das mer nume richtig muen lüfte. NEI BARBARA ES ISCH IH DE STADT EIFACH FUCKING HEISS UND DE ZIITPUNKT ZUM DAS ÄNDERE WÄR VOR 20 JAHR GSI!11!!1!!!1 Ja, bitte erchlär mir das es de Tag dure heisser isch wie ih de Nacht. ICH ERLÄBE DE ERSCHT SUMMER. Ja, bitte erchlär mir das es warm wird wenn d Sunne dur es Fenschter schiint. ICH GSEH ZUM ERSCHTE MAL GLAS. Ja, bitte erchlär mir das mini Wohnig store hed wommer chan abelah. UND WENNI NO EINISCH MUEN LÄSE DAS MER AU NASSI TÜECHER CHAN UFHÄNKE DENN BRUCHI DE FUCKING TAGI ALS NURNO WC-PAPIER. (Mer chan das scho mache, aber d Luftfüechtigkeit stiigt denn unds isch gnauso unahgnehm. Wenn d Luftfüechtigkeit ned stiigt, denn chüehlt d verdunschtig au ned.) Es hilft ned wenn du d Hauptstrass dur en Wiese ersetzisch, will de Buss muen irgendwo durefahre. Ganz devo abgseh bringts Tsüri au eifach gar ned fertig überhaupt zunnere Wiese z luege. De Park vor minnere Hütte isch nämli 10/12 mönet mehrheitlich bruun und hilft gnau gar nüd bimne “Ahgnehme Stadtklima”. Okay aber ih de Nacht wirds ja glich under 20 Grad so vill Tropenächt gids ja nonig. WILL D MÄSSSTATION NED IH DE INNESTADT ISCH DU BANANE! Es isch ih de Innestadt eifach nomal 5 Grad wärmer wie am Tsüriberg, das heisst dini knapp kei Tropenacht wills 5 Minute lang 19 Grad gsi isch, isch ih de Innestadt zum CHOTZE. Ih minnere Wohnig ischs letschtmal vor ennere Wuche under 26 Grad gsi. Mer muess au ned en halb vertröchnete Baum pflanze zum s Klima z verbessere, ja das hilft scho aber halt ned gnueg, dass mer ohni Klimaahlag vor em eis chan schlafe. (Das es de Tag dure geiler isch muessme ned diskutiere.) Will jede weiss ih Länder wo Klimaahlage Standard sind heds gar kei Bäum. Aber mir ischs eigentlich egal, ich han en Klimaahlag. submitted by /u/Electronic_Tea_914
Originally posted by u/Electronic_Tea_914 on r/BUENZLI