Wüu ig öpis gseit ha, bini iz bi paarne (no) weniger beliebt. Einä het mer sogar droht, aber ha no ke Ahzeig gmacht bis iz. Ahgfange hets drmit, dass si direkt nebem Spielfeld uf di öpä 4-5 Tische je grad 2 äschebächer hereta hei. I roukä seuber aber für di paar Stung hani mehr gseit tueni grad abseits vom Schuelgländ de rouki sowieso weniger. Ha öpis gseit und si hei se furtgruumt und denn hani scho es paar unfründlechi Blicke und Ougerolle kassiert. När het einä Bier fürägno. Ig selber ha ne Alkoholiker als Vater gha u trinke derum nie, und im Dorf hets mind. 1 muslimischi Familie wo das o nid guet findet. Dene hanis später verzeut u di hei gmeint „Bravo!“. Denn: Gemäss Benützigsreglement isch jede Konsum verbote, usert me het e entsprechendi Bewilligung ihgholt. Das heisi aber nid gmacht. Nach Unglaube und Murre heisi de z Bier wieder verruumt. Ei Stung später hani gse, dases iz öpä 5-10 Lüt si wo Alkohol trinke. Bis nomau ga sägä und dä vom erste Mal hetmi „uf d sitä“ weue nä, ha dankend abglehnt u bi haut wieder zum organisator… Dä isch aggressiv worde. Sig e Tüpflischiisser. Aui heiges guet nume Ig tüeg reklamiere. Ig ha gseit dases e Verstoss gägä z Benützigsreglement isch und dasi das Gmeind muess melde, wener sech weigert drfür z sorge, das d Regle ihghalte wärdä. När heter gseit si sigä a Gmeinschaft und öb ig se ewig zerstöre. Und weni bi sim alljährleche, bald anstehende nächste Projekt im Dorf o so tüeg, „de machi di kaputt!“. Ig ha när ufgä und bi furt vo dere Szene, und ha eifach no fertig zuegluegt. Ahja beidi mini Ching (8, 10) si o dert gsi und heis äuä o mitbecho. Ha se no nid gfragt. D Gmeind, wo dr Platz ghört und wo s Reglement verantwortet, klärts no ab und meldet sech de bi mir. Was meinet dr zu dem und was würdet dir mir rate? submitted by /u/GoldenPunkBlue
Originally posted by u/GoldenPunkBlue on r/BUENZLI