zu mim entsetze hani hüt dörfe feststelle, dass dä denner uf sini vergammleti erdbeeri etz maximal güetig 30% (zum de 50% ersetze) bzw. 20%(ehemals 25%)-chläberli drufhaut. das isch ja no gieriger we die miesi coop-aktion vo 50% uf so e schrägi zahl wie 40% zsenke. ich ghör bestimmt zu dere biz skurrile minderheit wo echt fasch alles im denner bsorgt, wel ich vo dene quasi umzinglet bin. das mag etz vieli nid so schockiere wie mi, ja, da isch für mi aber en grund zum dete nüme go poschte goh - wie au scho bi coop. es isch aber es problem wo üs alli (büenzlis und lüüt mit biz weniger tüüfe täsche) betrifft: ufgrund vo dere kollektive unverschämtheit für de eigedi profit und gege d kundschaft sowie gege de kampf gege lebensmittelverschwendig zhandle, schiint würklich d hemmschwelle zsinke, und es isch e froog vo de ziit bis au no dä migro mitzieht (wo bim chläberle ohnehin sparsam isch). submitted by /u/No_Program_8014
Originally posted by u/No_Program_8014 on r/BUENZLI