Mini Liebeserklärig a Klimawandel-Lüügner Ich muess eifach mal säge: Merci. Merci a all die Lüüt, wo 30 Jahr lang erklärt hend, de Klimawandel segi erfunde, d’Studie seged gschmiert und d’Wüsseschaftler alli Panikmacher. Ihr hend konsequent jede Diskussion abgwürgt, jede Massnahm bekämpft und jede Verzicht als persönliche Verfolgig wahrgnoh. Und jetzt? Jetzt sitzed ihr bi 37 Grad i de vil zgrosse Wohnig und jammred, dass ihr dringend e Klimaanlag bruuched. Herrlich. De Klimawandel existiert zwar immer no nöd, aber komischerwiis isch es plötzlich z’heiss zum schlofe. Was für en unglaubliche Zufall. Jahrzehntelang het d’Parole gluutet: “Nach mir d’Sintfluet.” Jetzt isch d’Sintfluet halt (bis jetzt) usblibe und stattdesse chunnt d’Hitz. Dumm gloffe. Es isch sowieso öppis typischs a üsere Wohlstandsgsellschaft: Jede weiss, dass mer es Problem hend, aber wehe öpper schloot vor, selber öppis z’ändere. Lieber no es grösseres Auto, no es Billigflug-Wuchenänd und no es paar Quadratmeter meh Wohnflächi. Hauptsach zerscht ich, dänn ich und am Schluss nomol ich! Aber sobald s’Thermometer uf 35 Grad chunnt, wird nach de Politik, de Stromversorger und de Klimaanlage grüüeft. Und die gliiche W…xxer sind ja kategorisch gäge Uusländer. Ja viel Spass dänn, wänn die usem Süüde millionefach i die „chüeli“ Schwiiz müend flüchte! Huere Affä! Ehrlich gseit: Ich ha langsam ke Luscht me. Hoffentlich schmilzt eu de Gummi am SUV underem Arsch wäg! Aber kei Angscht: Es isch sicher nur s’Wetter… Alles Tuble. submitted by /u/Wintiman
Originally posted by u/Wintiman on r/BUENZLI