Ich han leider eh sehr unahgnähmi bekanntschaft mitme Oberbünzli gmacht. Es isch eso… mir hend en spezielle Tag gfiired und mer sind mitem Fotograf underwägs gsi. Per Zuefall hämmer es wunderbars plätzli gfundä, en riisegrossä Baum und es schöns Bänkli drunder. Zum det annecho, hämmer uf es privatwägli müesse wo vo de hauptsrass innen Wald füehrt. De Fotograf het eus usstiigä lah und isch denn biz wiiter gfahre und eus de ruum uf dem bänkli gäh zum echli verschnuffä. Nach so 30min isch denn so en Puuräporsche ahzrasse cho. Laht schiibä abe und frögt mi, ob das euses Auto seg, das ca. 300m wiiter parkiert het. Han gseit, es seg am Fotograf… und denn ischer explodiert! “Verrrrrrrrrrrrreis!!! Nöd gfröget! Ich lüüt de schmier ah!!!” Ich han müsse lache ab dem ussraster, wasen gad no wilder gmacht hät. Ha denn ahständig mich entschuldigt und gseit das mer eus gad uf de wäg mached. das ischem denn z’langsam gangä und de hät denn wiiter pfutteret als gäbs kein Morgä. Ich bin zwar gern eine wo verbal zrugg giit ii söttige situatione, aber de tag isch so bsundrigs gsi, dasi de friidä han welle wahre und eifach nix gseit han, han sogar wegglueget demit de wüetigi donald duck (so hets fascht tönt) nöd no en herzchasper bechunt ab mim grinsä. Bünzlis uf reddit, uf aktion folgt eh reaktion, und ja mer sind ilegal uf das wägli gfahre, aber nonie ii mim läbe hani öper erläbt wo wäg sonnere chlinigkeit so abartig usrastet. Ez frögi mi wie de durs läbe gaht? und das er sich die ziit gno hät, is auto zstiigä, zu eus z’fahre, schiibe abelah, schimpfe und täubelä als hättemer ihm uf siis liebstä wägli kackt und wieder abzdüüse. Nomination zum CH-Oberbünzli, ganz klar. was sind so euri erläbnis vo lüüt wo abem chlinste mist komplett contenance verlüüred? Edith meint no:
- ja ich bin en fräche siech
- ja mer hend öpis ilegals gmacht (was im post bereits staht)
- nei, es handelt sich zu 100% nöd um huusfriedensbruch
- nei, es gaht nöd darum das ich mich rächtfertige will ich han eh frag gstellt und uf wiiter storys ghoft, bechume tueni belehrige mit komische verglich. submitted by /u/Brief-Charity250
Originally posted by u/Brief-Charity250 on r/BUENZLI