I ha vor paar jahr scho e grichtliche fall gha wege ner abglehnte IV rente nachdem i e arbeirsversuech gha ha für 11 monat woni ha müesse abbreche wills mer zviu isch worde und 2x stationär ine klinik ha müesse nach akute, selbstgfährdende gedanke. Jetz hani e neuaameldig gmacht und mi hauptsächlich uf d KPTBS diagnose und e neui, hardnäckigi mage darm erchrankig abgsützt wiu sie ja e verschlechterte zuestand wei oder neui diagnose (d KPTBS hei si im letzt verfahre nid anerkennt) Das isch natürli jetz o abglehnt worde obwohl sich mi zuestand verändert het und detailriich beleit worde isch. Als i vor paar wuche mit de Procap und de Inclusion Handycap gredt ha, hets gheisse sie hei ke platz für neui grichtsfäll. Jetz hani natürli schiss dasi mi nid witer wehre cha bi dem negativ entschluss vo de IV. Weiss irgendwer SEHR gueti aawält für komplexi fäll mit guetem erfolg? Mini beguetachtig damals isch mega shady gsie und mir si schlimmi sache vorgworfe worde wo nidmau gstumme hei. Es isch es sehr traumatisches verfahre gsie für mi. Es wär no besser wenns ehreamtlichi aawält wäret, oder vllt ob wer no stiftige kennt für so sache wo chönnt d koste decke. Dert hani aber angst das die o nid häufe wiu d chance ja eig. fasch null isch dasi Renteaaspruch bechum. De Soz wird mer d koste für d Procap au nid träge. Und i ha geng no schulde weg de unentgeldliche rechtspfleg vo minere letzte grichtsverhandlig, wo ich muess rückzahle sobald ich inere bessere finanzielle situation bin. Es isch e ultra beschisseni, ungrechti situation. All miner ärzt seget dass die ablehnig mit mine iischränkige im Alltag absolut absurd isch. i bi verzwiflet und bi froh für hilfrichi informatione. I weiss das min fall fasch kei chance het weg der vorherig ablehnig. Aber nüt mache chani o nid. I chume mit mire momentane situation nid klar. Und I bitte drum gemeini kommentär eifach sii z’lah. I möcht ja au irgendwenn wieder schaffe. Aber es gaht im moment eifach nid mit mine traumata. Es si nid grad aui fuul und i bi au nid scharf druf uf d köste vom staat zlebe. I möcht eifach d chance uf besserig und es normals lebe. merci submitted by /u/Laurennce
Originally posted by u/Laurennce on r/Switzerland