Auso folgendi Situation. Verwaltig aglüüte. Wasserhahn ir Chuchi Tropft extrem Starch. (Altbau, Armature us de 1950er). Sie biete e Handwärcher uuf. Handwärcher chunnt verbii, nimmt “Ougemass” vor Armatur, prüeft öbs würklech tropft. Sowiit so guet. Handwärcher geit i nächscht Jumbo gone Armatur hole. Zwöite Bsuech Handwärcher, Rohrzange vergässe… ok cha mini bruuche vo mir uus. Schautet unge Hahn uus und laht mau Wasser bi mir obe ir Wohnig aa… Ha dänkt i spriche ne mau druf aa wie die neui Armatur de usgseht. Und ufe erscht Blick gseh ig… die Passt nid uf d Aschlüss, da isch e diskrepanz vo ca 2cm… Handwärcher fragt nacheme Meter… är heig sine vergässe… ok… chasch mine bruuche. Erschte Aruef a d Verwaltig… nachefrage öb dä Handwärcher würklech Qualifiziert sig. “Ja ja dä isch qualifiziert, no nie Problem gha.” Dritte Bsuech Handwärcher, är het e passendi Armatur… oberflächlech putzt… aber boah da isch no chalch unge bir düse… aber ok… chani de später putze simer kulant oder. Är dräit unge aui Hahne zue… chunnt ufe und fragt sech nach guet 20 min Wasser la loufe warum das nid ufhört. I spriches mau aa was i dänke… “Sicher das d Hähne im Chäuer i die richtigi richtig dräit hesch?” “Ja, links ist Zu, rechts ist auf.” (Lani mau Kommentarlos so la schtaa… i gloube i has angers glehrt aber… tampi… i bi ke Sanitär.) Handwärcher versuecht d Verwaltig z erreiche zum Frage was er falsch macht… aber sis Handy würdi mit der Verwaltig nid funktioniere… i gseh uf sim display… är het die fauschi Nummere gspicheret… ha ihm die richtigi Nummere gää… Itz chunnt de e richtige Sanitär… um em Handwärcher bim vierte Bsuech z zeige wie mer de Haupthahn im Chäuer Abschaltet. I bi mir ächt nid sicher öb i nomua bir Verwaltig sou alüüte und nachefrage öb dä Handwärcher würklech qualifiziert isch. Alternativ überlegi mir aber o… nächscht mau Popcorn z mache wenn er verbiichunnt. Aber es füehlt sech wie Realsatire aa so langsam. submitted by /u/Gysburne
Originally posted by u/Gysburne on r/BUENZLI