Wider emol es Glanzstuck vo de SVP. Unter em Motto “Asylmissbrauch stoppen” macht mer “Werbig” für d “Grenzschutzinitiative”. Ich möcht mol 3 Gründ geh, warum die Initiative für mich absolut unverständlich isch: 1) D Begränzig vo 5’000 positive Asylgsuech pro Johr als Maximum, quasi als “Kontingent” [Art. 57a Abs. 5]. Egal ob es 1234 Gsuech oder 25’000 Gsuech git. 2) Asylgsuech dörf nur stelle, wer A) nöd über en sichere Drittstaat ireist ([Art. 57a Abs. 4] und d Schwiz isch nur vo sicher Drittstaate umgeh) und wer B) nöd ohni gültige Ufenthaltstitel oder anderwitigi Ireisberechtigung (also z.B. es Visum) id Schwiz will, dem wird d Ireis generell verweigered werde ([Art. 57a Abs. 3]. 3) Dass d Schwiiz internationali Abkomme wie Genfer Flüchtlingskonvention oder das Europäische Menschenrechtsübereinkommen innert 18 Mönet neu verhanldle mues [Art. 197 Ziff. 17 Abs. 2], sötted die Abkomme mit de Initiative unveribar si. Schiitered die Neuverhandlige, so mues De Bundesrot oder s Parlament die Abkomme künde. Das sind nur 3 Gründ vo vielne wiitere, weshalb ich uf de Schluss chum, dass die “Grenzschutzinitiative” S Asyl de facto abschafft, während mer es de jure no im Asylgsetz (AsylG) händ. Und das isch genau de Grund, warum für mich die SVP-Initiative die gförlichsti, schädlichsti und unschwiizeristi Initiative für d Schwiiz isch, wo sit Langem lanciert worde isch! [Jo, d Afüehrigs- & Schlusszeiche sind bewusst gsetzt ;) ] submitted by /u/Top_Organization_140
Originally posted by u/Top_Organization_140 on r/BUENZLI