Ich finds immer wieder “spannend”, wie gwüssi lüt oder Politiker über de Riichtum vo de Schwiiz reded. Grad wenns um d Armuet goht, chunt oft “D Schwiiz isch eis vo de riichte Länder vo de Welt”. Für mich imemr so en “Mir sind riich, shut the fck up!” Wenn mir aber de Riichtum a lueged, wirds spannend. Jo, es stimmt, dass d Schwiiz durchschnittlich riich isch. Gemäss Wikipedia (2025UBS Global Wealth Report 2026) hät en Schwiizer es durchschnittlcihs Vermöge vo $910’382. Das isch nöd wenig. ABER: Wenn mir s Medianvermöge vomene Schwizer lueged, denn simmer bi $145’555. Das heisst, d Hälfti vo de Schwiizer händ weniger als $145’555. Das isch weniger wie EIN SECHSTEL vom Durchschnitt. Also, ich bin jo defür, wenn öppert mit em Argument “D Schwiiz isch riich” chunt, denn mol nofroge gemäss welere Metrik. Und nur wel es Riichi Mensche und länder git, heisstd as nöd, dass kei Armuet existiert. Denn i de Schwiiz sind (vom Johr 2024) über 743’000 Mensche vo Armuet betroffe . Oder 8,4% vo allne i de Schwiiz lebende. Aber d schwiiz isch jo riich. submitted by /u/Top_Organization_140
Originally posted by u/Top_Organization_140 on r/BUENZLI