Wie chan das eigentlich sii?! 1999 het jede Tubbel irgendwo e Sonnenfinsternisbrülle gha. Im Kiosk, i de Ziitig, bim Optiker, wahrschinlich sogar no gratis zum Rivella dezue. Und jetzt hämmer 2026, bauet Marsrakete, KI cha ganze Romane schriibe, aber wenn mer e verdammti Sonnenfinsternisbrülle suecht: NÜT. NIRGENDS. AUSVERKAUFT. Migros? Nüt. Coop? Nüt. Jumbo? Nüt. Optiker? „Müend Sie mal aalüte.“ HALLO?! Mir sind i de SCHWIIZ! Für jedes Gartenhüsli bruchsch e Bewilligung, für jede Hecke git’s es Reglement und wenn de Nachbar am Sunntig um 12:03 Uhr Rase mäht, isch praktisch scho s’Bundesgricht involviert – aber e Sonnenfinsternisbrülle organisiert offebar niemer. 1999: jeder Tubbel vorbereitet. 2026: „Händ Sie scho online gluegt? Lieferig nächsti Wuche.“ D’SONNENFINSTERNIS ISCH MORGE, SANDRO. Ich erwarte jetzt mindestens e parlamentarischi Untersuchungskommission, e Taskforce vom Bund und e 84-siitige Bericht, wie das het chönne passiere. So. Fertig. 🇨🇭 submitted by /u/Itchy-Clock8196
Originally posted by u/Itchy-Clock8196 on r/BUENZLI