Hoi zäme Mir isch vor churzem bi mim Sohn d Diagnose Autismus-Spektrum gstellt worde. Jetzt sind mir natürlich grad mit ziemlich vielne Frage konfrontiert, vor allem was d medizinischi und therapeutischi Unterstützig betrifft. Mich würd vor allem interessiere, wie das bi andere Eltere i de Region Winterthur lauft: Wie sind euere Erfahrige mit de Kinderärzt / Fachstelle und de weitere Abklärige? Wie guet sind Therapieplätz (z.B. Ergotherapie, Logopädie oder ABA/Verhaltenstherapie) verfügbar? Wie lang muess mer im Normalfall uf en Therapieplatz warte? Was wird vo de Krankekasse überno und was müend Eltere selber zahle? Git es i Winterthur oder i de nähere Umgebung gueti Anlaufstelle oder Institutione, wo ihr empfehle chönnt? Und wie sind euere Erfahrige mit Unterstützig im Chindsgi bzw. später i de Schuel? Mir würd vor allem interessiere, wie’s im Alltag tatsächlich lauft und nöd nur, was theoretisch möglich wär. Danke eu vielmal für eui Erfahrige und Tipps! submitted by /u/Relevant-Bake-8398
Originally posted by u/Relevant-Bake-8398 on r/Switzerland