Ja ich bi 70gi und ghöre zu dene verhasste Boomer. Gfröget hät mi niemert öb ich 1956 well uf d’Wält cho, als einzigs Meitli inere Familie mit no 5 Brüedere… Mir sind en armi Arbeiterfamilie gsi und so arm, das mini Eltere mängisch nöd gwüsst, wiä si sölled Läbesmittel zahle oder Holz chaufe zum füüre im Winter. Mir händ kei Warmwasser gha, nur 1 Zahbürsteli usw. Dank dem mini Eltere alles ta händ für eus, hani chöne e Lehr mache und mich mit vill chrampfe in en guet zahlte Job ufe arbeite, und das obwohl ich no ledig es Chind übercho ha. Erscht zimli spat han ich min hüttige Ma känneglernt und mer händ eus dank mine Pensionskassegälder es Hüsli chöne chaufe. Euses Vermöge isch alles im Huus drin, mir läbed eifach und bescheide. Mir sind liebi, hilfsbereiti umgänglichi, sehr naturverbundeni, tierliebendi Lüüt und werded trotzdem - vor allem i de soziale Medie - verachtet, beschumpfe, ghasst. Ehrlich - mich macht das truurig…
Originally posted by u/unknown on r/BUENZLI
You must log in or # to comment.