Hoi Zämä, vori isch mer einä passiert. I bi goh Ihchoufe in Lidl. Die si jetzt jo ou Schwissness u drum isch das ou okay. Näbscht däm das ig, vor KI Gmües-Erkennig erstuunt, ds Gmües gwogä ha, was me - wie mer das dä Typ ar Kasse erklärt het - eigentlich garnid muess mache, hani e heftigi Situation erläbt. Ig, e Kasseschüche Säubschtscannrt, bi ad Kasse. U ha dert mi gross Yhchouf (nei bi nid im Tütsche gsi, glych Grossyhchouf) ufs Band gleit. I bi no.mitzt debii mini Sache ufs Bändli z befördere, liecht gstresst wie das so isch, de chunnt vo hinge eine, so biz e komische mitre komische Fründin, macht s Trennstäbli drii u foht ah sis Züg uflade. Auso so das si Ihchouf zu mir fahrt u ig ke Platz meh ha gha für mini Sache. I ha denn Bünzlihaft passiv-aggressiv mit mim Pak-choi s Trennstäbli 5cm hindere gschobe u mi Ihchouf afoh stable ufm Bändli. I ha o d Fuust im Sack gmacht, u dänkt s bringt eh nüt me wenni ihm jetz öppis säge. Aber de Bünzli i mir het sech scho seht echauffiert über die Situation. Wär Müeh mit miner Satzsteuig het, het Müeh. submitted by /u/adorres
Originally posted by u/adorres on r/BUENZLI