Beidi Täter handeled schlussendlich us eme eigene Motiv heraus. Ich frage mich drum, öb de entscheidendi Unterschied vor allem ide Motivation und Ideologie liegt. Zum Bispiel: Wenn öpper Mensche tötet, will er glaubt, im Name vo ere Religion oder Ideologie z handle, wird das als Terrorismus bezeichnet. Aber ich kenne kei Religion, wo eifach generell dezue uuffordert, anderi Mänsche z töte. Handled so en Terrorist also am Schluss nöd trotzdem nach sinere eigene Interpretation und sim eigene Weltbild? Und wi unterscheidet sich das vo mene Amokläufer? En Amokläufer cha zum Bispiel us Wut, Hass oder Rache handle, etwa wäge Mobbing. Au er will durch sini Tat öppis a sinere Welt verändere – us sinere Sicht zum Bispiel die Persone «eliminieren», wo für sis Leid verantwortlich sind. Und teilweise nimmt er debii au de eigene Tod in Kauf. Liegt de wesentlich Unterschied also würkli vor allem dra, ob e Tat politisch, religiös oder ideologisch motiviert isch und en grössere Zweck verfolgt , während en Amoklauf eher us persönliche Motive wie Rache, Wut oder Verzweiflig passiert? Oder gsehni das komplett falsch? Würd mi wunder neh, wie ihr das unterscheidet. submitted by /u/opijkkk
Originally posted by u/opijkkk on r/BUENZLI