Liabi Bünzli Gopferdammi hani mi wiedermol ufgregt! Sit 2 Monat wird im Nochbershuus (wo da glicha Vermiater ghört) a Wohnig saniart und dia Handwerker parkiarend eifach jeedes mol so halba vor mim Garagator. I kuma so mit Müah und Not us dr Garage usa (aber au numa wili as klises Furzauto han), aber han würklich kei Bock zum döt hinterschi wieder as wia inazirkla und am besta no an Kratz z riskiara. Zum Kontext: im Huus hets 3 Garagaboxa mitera schmola Zuafahrt wo ina Sackgass endet. I han dia hinterst Garagabox grad nebem Igang vum Nochbershuus. Fürschi kamma döt nid inaparkiara, aber hinterschi gohts eigentlich guat, wemma bim Igang vum Nochbershuus so um 90° usholt. Am Afang wo dia Handwerkerauto döt gstanda sind hani denkt, du luag, sind armi Büazer solangi mim Auto usakuma ischs Hans was Heiri und wenni zrugg bin stellis Auto as wo im Dorf ab und tuans denn am Obig in mini Garage. Eimol het denn eina zmitzt vorem Garagator parkiart, aber isch grad am usstiga gsi, dasem fründlich han könna sega woner parkiara kann (isch halt im Parkverbot, aber ufem Grundstück vuda Vermiater, dia hend do offiziell nüt dagega). Aber das goht jetzt halt eifach sit 2 Monat so und obwohli als klimabewussta öV-Fahrer z Auto nid verruckt viel brucha, kasch der sicher sii, dass eina döt stoht wenni an Termin han. Da Vermiater hanis gmolda kah und sie hend gseit sie segends da Handwerker amigs extra, aber luagend, dass sie künftig druf bestönd, dasses au am Büazer wiitergleitet wird. As sind sehr guati und kulanti Vermiater, bi ihna wetti eigentlich nid go motza, sie könnd eigentlich au nid viel meh macha. Was isch noch eurer Meinig a rechti Bünzlireaktion in dera Situation: A) An Zettel ufd Autoschiiba vuda Büazer, dass sie übrigends d Ifahrt blockiarend (für das brüchti aber no as Laminiargrät) B) An Zettel an mis Garagator, dass ma bitte nid dervor parkiara söll (au do brüchti natürlich as Laminiargrät) C) Z Handwerkerauto iparkiara und schriba, sie könnd mer alüta wenns weg müand (bringt unterem Strich nid viel, aber vilicht hends denn as schlechts gwüssa = Erfolg?) D) Nüt und a Fust im Sack macha submitted by /u/Current-Hedgehog6047
Originally posted by u/Current-Hedgehog6047 on r/BUENZLI