Bald esch weder die Zyt vo de Mandarindli. Ech ha si gärn, aber äbe nor die Guete. Die gruusige hani äbe ned so gärn. Leider chamer sech ned uf e gwössi Sorte verloh. Jedi charge esch weder komplett anderscht. Mol send si guet, mol völlig uströchnet, mol ohni Gschmach etc. Probiere darf mer jo meischtens leider ned. Folgendi Optione hani bishär agwändet: Es einzels chaufe, usem Lade go probiere, und wenns guet gsi esch nomol vo de gliche Chaufe. (Min bishärige Favorit) Bättle öb mer ned doch darf probiere. Wenns gruusig send zrugg bringe, ganz luut usrüefe und mit em Kassesturz drohe. Chaufe, und wenns gruusig send i Chlaussäckli ine tue und a die luute Nochbersgoofe verschänke. Wie möchid er das? Oder düend die meischte Lüt eifach d Chatz im Sack chaufe und ganz truurig die gruusige trotzdem ässe? submitted by /u/Swigor
Originally posted by u/Swigor on r/BUENZLI