Mir isch klar, dass ich früener und meh Bewerbige het chöne schriebe, aber ich han drus glernt. Ich hoffe ihr chönt mir trotzdem helfe. Ich han d Lehr im Summer 2025 als Informatiker Plattformentwicklig abgschlosse. Während minere Lehr bin ich im Service Desk und 2nd-Level gsi. Ich han set dem nüm garbeitet und han insgesamt ca. 30 Bewerbige gschickt. Bis jetzt han ich eis Online-Bewerbigsgspröch gha, woni nachher e Absag becho han, will sie öpper Passenderes gfunde hend. Bi de andere Bewerbige han ich meistens e allgemeini Absag per E-Mail becho oder eifach kei Antwort uf mini Bewerbig. Ich bewirb mich meistens uf Stelle, wo guet passer also Service Desk oder 2nd-Level und nöd speziell i Berich, wo ich mich nöd guet uskenn. Ich han mini Bewerbigsvorlage öpe zwei mal mit zwei verschiedene Persone erstellt. Dezwüschet han ich nur chlini Änderige gmacht. Mini Bewerbig gseht öpe so us:
- Titelblatt mit eme Bild vo mir
- Motivationsschriebe: Einstieg / Motivation für die Stelle und Firma, Ausbildung und Supporterfahrung, relevante fachliche Erfahrung, warum genau diese Stelle, Arbeitsweise / persönliche Stärken, Verfügbarkeit und Abschluss
- Lebenslauf: Churzi Zämmefassig, IT-Kenntnis ih Stichwörter, d Uszit (Reise und paar chlini Sache, wo ich gmacht han ih dere Zit), d Lehr und ca. 10 Pünkt was ich gmacht han im Service Desk und 2nd-Level, Schuele wo ich früener bsuecht han, Sprache, wo ich chan, Witeres (Führerschie, Interesse und Referenze uf Afrag)
- Lehrzügnis, EFZ, Noteuswis, Zertifikat Ich han leider mit mehrere Lüt wo mich empfehle chöntet set eme Jahr oder meh kei Kontakt gha. Frage:
- Was würdet ihr mir empfehle zum so schnell wie möglich e passendi Stell z becho? Eifach meh bewerbe?
- Söll ich im Motivationsschriebe d Lücke genauer erkläre? Was, wenn ich kei richtigi Erklärig han oder es mir z privat isch?
- Wie wichtig isch s Motivationsschriebe?
- Macht es Titelblatt Sinn?
- Söt ich meh Lüt nach Empfehlige fröge? submitted by /u/Far_Distribution_460
Originally posted by u/Far_Distribution_460 on r/Switzerland