Muess das mal echli loswerde. Sitt einiger ziit isches om einiges schwieriger worde, gueti wgs z’gfinde. Natürlich isches rächt individuell, was zo eim passt ond es paar strubi inserat gid es immer, aber vornes paar jahr hett mich das alles eifacher dünkt. •Plötzlich sind alli mietprise rächt ufegange. Bezahlbari wgs gid’s no, aber es schränkt d’uswahl massiv ih, wenn mer ned en teil vo de mieti vo de eltere zahlt bechond oder irgendöppis studiert, wo mer guet näbebi chan go schaffe. Ond da redi ned emal über de ruum züri. •Wenn mer eh scho weiss, dass mer d’wg öppertem usem bekanntechreis gid, denn säged das doch früehzitig ond säged vo mir uus witeri besichtigonge ab, au wenn die scho planet sind. •FINTA-wgs sind in gfühlt de hälfti vo de fäll fraue-wgs. Isch immer sones grate, ob jetzt würkli finta gmeint isch oder “fraue ond lüüt, wo mir findet, dass sie eigentlich au fraue sind”. •Neugründig isch no schwieriger, wenn es kei hauptmieter gid, wo 's nötige ihkomme ufbringe chan. •Nachrichte läse ond nie antworte — ned emal en absag — oder inserat eifach nachdem mer öppert gfonde hett lah stah lah, verstahni eifach ned. Denn chan mer wenigstens mitmene inserat abschlüsse. Isch eifach onnötig müehsam. submitted by /u/someyeetawayaccount
Originally posted by u/someyeetawayaccount on r/BUENZLI