Hoi zäme I bi leider uf Facebook Marketplace ufne Betrüger inegheit. I ha sones Tablett für 260 CHF kouft u ds Gäld per TWINT ufne Handynummere überwise. Als «Sicherheit» han i e Foti vo me Uswiis übercho, dä isch aber wahrschiinlech fake oder gstohle. D Ware isch natürlech nie cho, u jetz git er o kei Antwort meh. Was i bis jetz gmacht ha / wott mache: Screenshots vom Chat, vom Inserat, vom Profil u vor TWINT-Zahlig gsicheret D Bank informiert (shiin gits dert sones Formular) Aazeig bir Polizei machi de no Het öpper vo euch scho Ähnlechs erläbt? Isch bi euch nach dr Aazeig öppis passiert, het me dä Typ gfunde? Het öpper sis Gäld zrügg übercho, z.B. über d Bank oder TWINT? Git’s no öppis, wo i söt mache u viellech vergässe ha? submitted by /u/shitfost
Originally posted by u/shitfost on r/BUENZLI