Liebi Mitbüenli Ich mues jetzt eifach de Pfoschte schriebe zum min Dank usspreche. Ich ha hüt mol wieder möse uf Züri und ha denkt nimi mol wieder de Zug. am 5fi Direktzug richtig Basel. Hinteri Wäge. Es isch zu 95% volle. Ich scho mit de grüschunterdrückende Chopfhörer mache mich ready… Zug fahrt pünktlich ab und zu minere Überraschig und erliechterig: Stille. Ruhiger als inere Bibliothek! Mini Chopfhörer hani immer no ah aber jetzt mit Grüschdurchlass! Ab und zue ghört mer öpert wo ufere Laptoptastatur tipped, öpert ghört mer ganz lislig, fast scho flüstere am Telefon und 1-2 Hüestler, sust gar nüt. Ha mich so wohl gfühlt! De Zug schauklet ganz liecht während mir mit 150 Sache durch d Dunkelheit donneret. Ha nid mol lust gha zum Musig lose und ha no chli für mich gläse. Ich ha immer denkt mit üsere Gsellschaft gohts de Bachab und mer het kei Astand meh aber so Sache gebed mir muet fürd Zuekunft und es het mich eifach so happy gmacht will jede Mensch i dem volle Wage het Rücksicht gno ufenand. Da hani denkt wetti teile. Ich pändle nid. Isch die Situation eher e Sälteheit oder het sich das mitlerwile etabliert? submitted by /u/marsmenschli
Originally posted by u/marsmenschli on r/BUENZLI